Cambios na RPT e reunión coa Mesa de Negociación

O seguinte escrito foi presentado por escrito o día 31 de xullo, e dirixido ao Alcalde e a Concelleira de Persoal:

Con data 26 de xullo convócasenos, a unha Mesa de negociación do Acordo Negociado Regulador das condicións de traballo do persoal de funcionario deste Concello, para o día 27 de xullo ás 13:00 horas, onde se tratarán a modificación de postos de traballo do persoal funcionario e o regulamento do complemento de productividad para o persoal da policia local.

Ás formas da antedita convocatoria manifestamos a máis absoluta consideración de irregularidade, xa que non se convocou a todos os órganos que corresponden, nin se cumpliron os prazos establecidos.

Ao contido desa reunión expresamos o máis firme rexeitamento tendo en conta que:

• Facílitasenos unha nova relación de postos de traballo de persoal laboral e funcionario e un regulamento para a asignación do complemento de productividade para o persoal da policia local. Recibido isto convocasenos novamente para o luns 30 ás 12:00 hs. Nunha primeira lectura feita polo sindicato CC OO en canto á iregularidade do seu contido e vista a premura da convocatoria (o venres ás 14:00 h. se nos facilita a documentación e o luns ás 12:00 se nos convoca á Mesa negociadora) a Administración Municipal engade que o martes 31 de xullo terá lugar o Pleno no que pretenden aprobar todas as modificacións propostas. Estes feitos non amosan o “talante negociador” do que presume constantemente esta administración.
• O luns día 30 de xullo ás 12:00 hs. reunímonos novamente todas as partes convocadas, dita reunión non se leva a cabo xa que está sin constituir a nova Mesa de negociación, polo que non ten sentido seguir a falar, xa que non tería validez nada do alí exposto. Levantase a reunión sin poder abordar ningún dos puntos da mesma.
  

Xa que non tivemos posibilidade de manifestar nin aclarar os aspectos que nos parecen relevantes e os que non temos claros cos documentos facilitados pola administración presentamos por escrito as presentes alegacións:

1. Deixar claro que durante todo este tempo a administración manifestou que a “urxencia” de convocar ós sindicatos e sentarnos a “falar” acerca das modificacións da RPT era para axilizar á maior brevidade posible os movimentos físicos do persoal afectado pola nova composición política da corporación municipal e a distribución das áreas. Desde un primeiro momento desde esta sección sindical, manifestouse o acordo a falar dos anteditos postos pero sempre despóis de analizar a documentación facilitada pola administración.
   
2. Non nos aclaran os movementos de persoal afectado “polo pacto político”.
   
3. Si estes movementos se fan efectivos, non poden desaparecer os postos vacantes nas áreas de orixe (pedagogo de Servizos sociais).
   
4. Sorpréndenos que se creen unha serie de novos postos de traballo, para nada relacionados cos mencionados movementos, e que a estas alturas da negociación e á espera da “tan cacarexada” valoración de postos de traballo, creemos que non teñen lugar as anteditas propostas.
   
5. Neste senso, esta sección sindical entende que de ser así ,os postos valeiros deberíanse de cubrir segundo o acordado nos diferentes foros de negociación administración-sindicatos, primeiro por concurso e despóis por promoción interna antes de saír a oferta pública.
6. Ademáis, parécenos inapropiado a creación de novos postos, cando temos pendente o proceso de consolidación de emprego que vense dilatando no tempo.
   
7. Na proposta de OPE de 2007 quedou acordado facer concurso para os niveis inferiores ó nivel 28, para os superiores a este nivel podería ser de Libre designación, na liña da nova lei de función pública galega.
   
8. Ante postos que desenvolven similares funcións, e responsabilidades e tarefas, resulta coherente percibir similares retribucións mentras non exista unha valoración obxectiva dos postos de traballo. O contrario, é dicir a proposta da corporación, é inxustificable.
   
9. Ó longo de todo este proceso de negociación paralizaronse aspectos e propostas que ós sindicatos nos parecían relevantes ó amparo dos previsibles resultados da valoración de postos e sin embargo agora creanse novos postos sin ningunha valoración obxetiva.
10. Na área de alcaldía desaparece a figura do xefe de gabinete que pasa directamente a “Director de área” esto é unha “Promoción de vértigo”, gustaríanos saber a forma de promoción deste posto e o porqué da subida a “ralentí” para outros xefes de servicio doutras áreas, xa que non promocionan á misma velocidade nin do mesmo xeito (automáticamente) a Directores das súas propias áreas.
    
11. Productividad policial. ¿Qué producen? Xa que da proposta desesprendese que: A xustificación que se fai no escrito, considérase como productividade o feito que de por sí mesmo é punitivo: Non ser absentista. Polo que todos acabamos preguntandonos si ¿hai que ser absentistas para incrementar as nosas retribucións?.