INFORMACIÓN IMPORTANTE SOBRE A VALORACIÓN DE POSTOS DE TRABALLO - MESA DE NEGOCIACIÓN DO DÍA 11 DE ABRIL DE 2008

Estos últimos meses difundiuse información pouco clara e contradictoria en relación co proceso de valoración de postos de traballo. Esta situación débese a que a información que compartía a administración cos sindicatos, ate o de agora, non era real, senón unha estimación ou simulación, é dicir, un mero material de traballo que en ningún momento significaba a valoración definitiva de cada posto de traballo. Este motivo levou a que se nos pedira, ainda que non de forma explícita, silencio en relación a este material, para non causar falsas expectativas nin equívocos a ningún traballador.

Antes de continuar, fagamos un pouco de memoria: Os traballos de valoración foron realizados pola empresa EOSA, contratada polo concello para tal fin. Esta empresa, como todos saberedes, realizou no seu día unha serie de entrevistas para coñecer as funcións e tarefas de cada posto de traballo. Hai que lembrar que non é o mesmo un posto de traballo que unha praza concreta. Os obxectivos de este traballo eran os seguintes:

• Obter un sistema matemático que, mediante a aplicación de factores, permitira valorar e aplicar unha puntuación asociada a cada posto de traballo. A puntuación obtida, multiplicada por un valor económico, da como resultado o complemento específico a aplicar a ese posto de traballo.
• Táboa de funcións e tarefas asociadas a cada posto de traballo.
• Diagnóstico organizativo que permita analizar as necesidades de postos de traballo a crear no futuro.
• Plan de emprego, fundamental para a tan esperada consolidación de postos de traballo.
• Nova RPT cos postos de traballo a consolidar neste ano.

Dende o pasado mes de outubro, e durante sucesivas reunións de traballo dos sindicatos coa empresa e a administración, revisaronse os factores de cálculo para a valoración de postos. Segundo as alegacións que presentabamos ian facendose modificacións no sistema de valoración. Pero o problema xurdiu cando se esixiu a empresa a revisión das funcións de cada posto de traballo, dado que non entendíamos a valoración sen coñecer as funcións reais de cada posto. A nosa sorpresa foi ver os resultados das fichas, que en nada se correspondían coa realidade. Nalgúns casos eran a reproducción exacta das fichas cubertas polo traballador, en outros casos nada tiñan que ver nin con estas nin coa realidade. Esto nos levou a solicitar a administración que analizase o traballo da empresa e que nos deran unha resposta ao respecto antes de continuar traballando con un material que non creiamos adecuado.

Chegadas as navidades a administración convocounos para realizar unha proposta alternativa: Persoal de dentro do concello e asignado pola mesma, realizaría un sistema de valoración diferente ao proposto por EOSA, desdeñando a maioría do traballo realizado pola empresa. A mediados de febreiro se nos volve a convocar nunha mesa de traballo para analizar este novo sistema. Este era moi diferente ao analizado ate aquel momento, obrigando a escomenzar o traballo de novo dende o principio. Durante dúas semanas realizáronse varias reunións de traballo nas que se propuxeron varios cambios, dos cales non se tiveron en conta moitos de eles. Chegada a semana santa interrumpíronse estas reunións, ate o venres pasado, día no que a administración convocou unha mesa de negociación cos sindicatos para tratar este tema. Na mesma reunión se nos comunica os seguintes puntos IMPORTANTES:

• A administración da por válido o sistema elaborado pola mesma, e se nos insta aos sindicatos a presentar alegacións por escrito ate o 19 de abril como data límite.


• Se nos presentou o seguinte calendario de traballo:
• 11/4/2008: Entrega aos sindicatos da proposta da administración en relación coa valoración de postos de traballo.
• 19/4/2008: Data límite de entrega de contrapropostas ou alegacións.
• 22/4/2008: Resposta da administración as alegacións presentadas.
• 25/4/2008: Nova reunión sobre a valoración de postos.
• 29/4/2008: Presentación da administración da nova RPT a negociar.
• 9/5/2008: Último día para presentar propostas sobre a RPT.
• 16/5/2008: Nova RPT con alegacións e entrega do PLAN DE CONSOLIDACIÓN DE EMPREGO.
• 23/5/2008: Comeza o proceso de negociación do convenio.
• 11/6/2008: Remata o proceso de negociación.

• Dende hoxe, 14 de abril, TODA a información relacionada coa valoración será compartida PARA TODOS OS TRABALLADORES na carpeta "Persoal (información)" do servidor principal do concello".
  

Polo tanto, TODOS OS TRABALLADORES DEBEN REVISAR A INFORMACIÓN DA VALORACIÓN, e propoñer ante calquer sindicato as suas alegacións, xa que ainda que se instou a administración a abrir un prazo para presentación de alegacións individuais para cada traballador, non nos deixou claro que este exista sen chegar ao recurso contencioso-administrativo.

Polo tanto dende hoxe mesmo teredes toda a información na carpeta mencionada.

Se tedes calquera dúbida podedes poñervos en contacto con calquer representante sindical de CCOO do Concello de Culleredo. Recordade que soamente teremos unha semana para presentar alegacións.