Comunicámoslle que a concelleira de Réxime Interior, Patrimonio e Contratación dictou, entre outras, as seguintes resolucións:
Data Extracto
22.10.2015 Abonar ás empregadas e empregados municipais, mediante a súa inclusión en nómina (outubro de 2015), unha retribución de carácter extraordinario con importe equivalente a 48 días da paga extraordinaria así como da paga adicional de complemento específico correspondentes ao mes de decembro de 2012, ou da parte proporcional dos días que correspondan en caso de que non se tivera devengado a totalidade das mencionadas paga extraordinaria e paga adicional.
23.10.2015 Primeiro: Determinar que de acordo co establecido co artigo 2 do Real Decreto-lei 10/2015, os empregados públicos do Concello de Culleredo terán, no caso de ter completado os anos de antigüidade na Administración que se indican, dereito aos seguintes días de vacacións anuais:
- Quince anos de servizo: Vinte e tres días hábiles.
- Vinte anos de servizo: Vinte e catro días hábiles.
- Vinte e cinco anos de servizo: Vinte e cinco días hábiles.
- Tinta o máis anos de servizo: Vinte e seis días hábiles.
Este dereito farase efectivo a partir do día seguinte ao do cumprimento dos correspondentes anos de servizo.
Segundo: Determinar que de acordo co establecido co artigo 2 do Real Decreto-lei 10/2015, os empregados públicos do Concello de Culleredo terán dereito, entre outros, aos seguinte permisos:
- Por asuntos particulares, seis días ao ano.
- Ademais, os empregados públicos terán dereito a dous días adicionais de permiso por asuntos particulares ao cumprir o sexto trienio, e un día adicional máis por cada trienio cumprido a partir do octavo trienio.
Terceiro: Establecer que, de forma excepcional, o desfrute dos días correspondes ao ano 2015, de vacacións e permisos introducidos polo artigo 2 do Real Decreto-lei 10/2015 (días adicionais de vacacións por ter completado anos de antigüidade; sexto día do permiso de asuntos particulares; e días adicionais do permiso por asuntos particulares ao cumprir o sexto, octavo e posteriores trienios), poida ser desfrutado ata o 31 de agosto de 2016.
Culleredo, 29 de outubro de 2015
Servizo de Persoal e Organización
